ممنوع تعيش؟؟لانك..........ابن بلادي

قصيدة بالعاميه الفلسطينيه أعجبتني وأتمنى أن تنال اعجابكم

فلسطيني ممنُوع تعيش
قالولك أسكت


اسكت
ما تحكيـــشْ

انت خلقت للتلطّيش
للمعابر
للحواجز
للتفتيـــــش
بدهن جبينك ينداس من الحاكم
للشاويش
فلسطيني ممنوع تثور
ومش مسموح تكون مقهور
إيّاك تطالب بحقوقك
إوعى بيوم تشوف النور
ممنوع تجددّ بطاقة
ممنــوع تجددّ باسبور
فلسطيني وبدّك تتعلم





!!!
هي شغلة ضد الدستور




فلسطيني لازم تتألم
من دون ما يشوفك دكتور
فلسطيني ممنوع تتظلّم
ولا يطلع بجناحك ريـش
فلسطيني ممنوع تعيش
فلسطيني بكل المطارات اسمك بالأحمر مكتوب
وعشُبّاك مصلحة الجوازات كتبوا عجبينك مطلوب
لازم تتوقف ســـــاعات مُذنب




او من دون ذنوب

ويتوجهلك اتهامات

بأنك سبب كل الحروب
كأنه بسببك الحق مات






والعدل بأرضك مصلُوب

وكأنك سبب كل النكسات






وكل ويلات الشُعوب

وكأنه بسببك مجرم






فات على جنين

بلحظة الغروب

وذبح صبيان وبنات






وعجّز على امره مغلوب

مع ان الحقيقة

انا أليّ بالدنيا ضحية
عملتوني مادة للغُنا
وقضية الىّ ما عنده قضية
انا اليّ راسي ما انحنى






بوجه الريح القوية

انا اليّ شعبي صمد

من الضفة للرشيدية
انا اليّ شعبي انتفض وبحجر قاوم دوريةّ
واليوم
وبكرة
وللأبد
عندي كلمة وحيدة هيّ
فلســــطين عربية
ورح ترجع عربية
ورح تبقى عربية